සිකුරු මාරුව

සිකුරු මාරුව සම්බන්ධව දීර්ඝ නොව කෙටි පලාපලයක් පල කිරිමට අප ඉරු සේවය තීරණය කලා.
සිකුරු මාරුව මාසයකට ආසන්න කාලයක් බලපවත්වයි.
ප්‍රවීණ ජෝතිර්වේදි රාජකරුණා මහත්මා අධික කාර්යබහුලත්වය මධ්‍යයේ තීරණයක් ගනු ලැබීය.


● මේෂ
සිකුරු 8ට පැමිණීම සුභ නැත.
විවාහ ජිවිතයේ යම් යම් මත ගැටළු ඇතිවිමට පුලුවන. මන්ද 8 වැන්නෙ ඉන්නෙත් සෙනසුරු සමග යෝග වි නිසාය.
මේෂ ලග්න අයගේ විවාහ මංගල යෝග අඩාල වීමටත්, තින්දු වී තිබු මංගල යෝජනා කිසියම් ආකාරයකට කඩා කප්පල් විමටත් පුලුවන.
උප්පත්ති කේන්දර වල දුර්වල සිකුරුගේ මහ දසාව ගත වන්නේ තමාගේ ස්වාමියා, බිරිද පවා ආරක්ෂා කරගත යුතුය.
මේ වගේ අයට තමයි හෙට මගුල් නම් අද කෙල්ල වෙන එකෙක් එක්ක පැනල යන්නෙ.

● වෘෂභ
7 වැන්නට පැමිණිමෙන් ලොකු කරදරයක් නෑ. විශාල පාඩුවක් අලාභයක් නැහැ.
මංගල යෝග කරදර මධ්‍යේය ස්ථාවර වෙනව. ඒවගේම කරන කියන කටයුතු වල සාර්ථකත්වයක් දුෂ්කරතා මධ්‍යයේ එනවා ලොකු ප්‍රශ්නයක් නෑ.

● මිථුන
සිකුරු 6 වැන්නට පැමිණිම රෝගාබාධ පැමිණිය හැක.
විරුද්ධවාදින්ගේ කුමන්ත්‍රණ නිසා ඒවගේම ඇස්වහ කටවහ දෝෂ ඇතිවෙන්න පුලුවන්. ආයෝජනයක පොඩි පාඩුවක් වේවි ඒ ගැන බලාගන්න. ඒවගේම ප්‍රේම සබදතා වලට හතුරු කරදර වින කටින අයගෙන් කරදරත් එන්න පුලුවන්.

● කටක
සිකුරු මාරුව 5 වැන්නට ප්‍රශ්නයක් නෙමෙයි.
කරදර මධ්‍යයේ දරුවන්ට හොදයි. අධ්‍යාපන ලබන අය ප්‍රේම සබදතා ඕනවට වඩා ඉහට ගන්න එපා. ඒක අධ්‍යාපනයට බාධාවක් වෙන්න පුලුවන්. ව්‍යාපාරික කටයුතු කරන අයට හොදයි.

● සිංහ
4 වැන්නට පැමිණිම හොදයි.
ආදායම් තත්ව වලට හොදයි. නව ආයෝජන අවස්ථා එනව. නිවසට අලුත් බඩුමුට්ටු ගැනිමට වාසනාව ලැබෙනව. ප්‍රේම සබදතා වලදි මත ගැටුම් ඇතිවන්නට පුලුවන්. ඒ ගැන පරිස්සම් වන්න.
සම්බන්ධකම් ආරක්ෂා කරගන්න.

● කන්‍යා
3 වැන්නට සිකුරු පැමිනිම නරක නැහැ.
ඒත් සෙම් අමාරු පැමිණෙන්නට පුලුවන්. සමහරවිට තමන් ගැන නරක කට කතාවක් පැතිරෙන්න පුලුවන්. ලග්නයෙත් රාහු ඉන්න නිසා මේව ඉක්මනට පැතිරෙන්න පුලුවන්.
ඒවගේම දුර බැහැර ගමන් බිමන් යෙදිලා ඒවයෙදි ප්‍රීතියෙන් ඉන්න පුලුවන්. ගමනෙදි බිමනෙදි අසනීප වෙන්න පුලුවන් නිසා ඒවයෙදි පරිස්සම් වන්න.

● තුලා
2 වැන්නට සිකුරු මාරුව හොදයි.
ආදායම් තත්ව දියුණු වෙනව. උත්සහයෙන් වැඩ කරන්න හිතෙනව. ඊලගට යන්නෙ 3ට නිසා අයහපත් ප්‍රතිඵල නෑ. තමාගෙ වචනය අන් අයට ප්‍රීතියක් ගෙන දෙනව. කරදරයක් නෑ.

● වෘශ්චික
1 වැන්නට සිකුරු පැමිණිම කාමාශාව වැඩි දියුණු වේවි.
පොඩි දෙයක් තියෙනව කියන්න, ලැජ්ජයි කියන්න. ඔය තරුණ වයසෙ කොල්ලො ඇන්ටිලත් එක්ක යාළු වෙන්න ඉඩ තියෙනව. ඕකට සමහරු කියනවා ඇන්ටි බැක්ටිරියාව කියල. ඉතින් අපි කියන්නෙ වැඩිහිටි කාන්තාවන් දිහා තමන්ගෙ අම්මල වගේ බලන්න. අම්මලට වගේ සලකන්න, ගරු කරන්න. කාමුකව බලන්න එපා. ඉතින් වෘශ්චික ලග්නයේ වැඩිහිටි පාර්ශව වලට කාමුක අවශ්‍යතා ඇතිවෙන්න පුලුවන්.
සෙම් අමාරු, හිසේ අමාරු ඇතිවෙන්න පුලුවන් පරිස්සම් වන්න.

● ධනු
12 වැන්නට සිකුරු පැමිණිම හොද නෑ.
ආදායම අඩු වෙනව. වියදම වැඩි වෙනව. ගැහැණු අය තමන්ගෙ දත් ගලවනව වගේ ඉල්ල ගන්න පුලුවන්. තමන්ව මහමග මංකොල්ල කනව වගේ වෙන්න පුලුවන්. පරිස්සම් වන්න. ආර්ථිකය හසුරුවා ගන්න.

● මකර
11 වැන්නට සිකුරු පැමිනිම හොදයි.
හිතවත් ඥාතින්ගෙන් මිත්‍රයන්ගෙන් උදව් උපකාර ලැබේ. වැඩිහිටි ගැහැණු අයගෙනුත් උපකාර ලැබෙයි. පිටරට සිටින අයට හොදයි. ආදායම් දියුනු වෙනව.

● කුම්භ
10 වැන්නට පැමිණිම හොදයි.
රැකියාවේ තිබුනු ගැටළු නැති වෙනව. දියුණු වෙනව. සමහරවිට පඩි වැඩිවෙන්න පුලුවන්. ආයතනයේ බොස්ලගෙන් තමන්ට කරුණාව ලැබෙන්න පුලුවන්. කුම්භ ලග්නයේ ප්‍රයිවට් සෙකට්‍රිලට නම් හොද කාලයක්. බොස්ලගෙන් ඩබල් බෝනස් ලැබෙන්න පුලුවන්. ඒ ගැනත් පරිස්සම් වන්න.

● මීන
9 වැන්නට සිකුරු පැමිනිම හොදයි.
පෙර පින ලැබෙනව. ආදායම් තත්ව දියුණු වෙනව. අලුත් පෙම් සබදතා එන්න පුලුවන්. විවාහ ජිවිතේ විවාහ වෙලා ඉන්න අයට අනියම් සබදතා ඇතිවෙන්න පුුලුවන්. ඒවගේම ගැනු අයගෙ ඇල්ම බැල්ම ලැබෙනව. ටිකක් කාමුක වෙනව. ලිංගික ශක්තිය වැඩි වෙනව. දරු සම්පත් ලැබෙයි. කරදරයක් නැතිව ඉන්න පුලුවන්. මම කියන්නෙ ඔය සිකුරු ආපු එකෙන් හොද ග්‍රහයෙක්නෙ කොච්චර උනත් 9ට, පිනට දහමටත් යොමු වෙන්න ස්වාමින් වහන්සේලාට දානය දෙන්න හොදයි.

ඉරුසේවය